Con Nubbo en Slack, o teu equipo recibe os seus avisos nas canles que escollas e pode buscar ficheiros e falar con Nubbo AI sen cambiar de app.
Que consegues
- Os avisos do equipo en cada canle, cun resumo diario, semanal ou mensual.
- Nubbo AI en mensaxes directas e mencións. Antes de cambiar algo, pídeche que confirmes.
- O comando /nubbo para buscar ficheiros, crear ligazóns e ver a actividade desde calquera canle.
Antes de comezar
Necesitas un equipo de Nubbo co plan Equipos e un espazo de traballo de Slack. O propietario ou un administrador do equipo engaden Nubbo a Slack. Para usalo, cada persoa conecta a súa conta de Slack co mesmo correo que usa en Nubbo.
Paso 1: conecta o Slack do equipo
En Nubbo, abre Equipo › Integracións e, en Slack, preme Engadir a Slack.

Slack móstrache os permisos que pide Nubbo. Revísaos e acepta. Volves a Nubbo con Slack conectado.

Paso 2: escolle as canles
En Slack, escribe
/invite @Nubbona canle que queiras usar. Só aparecen as canles nas que está Nubbo.En Equipo › Integracións, en Canles, preme Conectar canle.
Escolle a canle, Que cobre (todo o equipo, un proxecto ou un bucket), os Avisos que queres e o Resumo, e preme Conectar canle. Todas as persoas da canle verán os seus avisos.

Paso 3: conecta a túa conta
En Slack, escribe
/nubbo connect. Nubbo respóndeche cun botón para conectar a túa conta.Ábrese Nubbo con Conectar a túa conta de Slack. Preme Conectar e volve a Slack.

Paso 4: úsao en Slack
Os avisos chegan sós a cada canle conectada, como os ficheiros novos nun buzón.

Para falar con Nubbo AI, escríbelle por mensaxe directa ou menciona @Nubbo nunha canle. Respóndeche en privado e, se queres, podes publicar a resposta na canle. Cando che propón un cambio, preme Confirmar para facelo. Se un cambio só se pode confirmar en Nubbo, verás o botón Confirmar en Nubbo.


Os comandos son atallos sen IA e só ti ves as respostas:
/nubbo buscar factura marzobusca ficheiros e cartafoles polo seu nome./nubbo ligazón orzamento 2027.pdflévate ao ficheiro en Nubbo ou crea unha ligazón para compartilo./nubbo actividademostra o último que pasou nos teus ficheiros./nubbo informe semanadá as cifras dos últimos 7 días (mespara os últimos 30)./nubbo axudamostra a axuda.
Se algo falla
| Que pasa | Que facer |
|---|---|
| Non ves o botón Engadir a Slack | Só o ven o propietario e os administradores do equipo. |
| A canle non aparece ao conectala | Escribe /invite @Nubbo nesa canle e volve probar. |
| «Esta ligazón caducou.» | Escribe /nubbo connect en Slack para pedir outra. |
| Nubbo non conecta a túa conta | A túa conta de Slack e a túa conta de Nubbo teñen que usar o mesmo correo. |
Máis sobre Nubbo para Slack.
Preguntas frecuentes
Quen pode engadir Nubbo a Slack?
O propietario ou un administrador do equipo. Despois, cada persoa conecta a súa propia conta de Slack.
Quen ve os avisos dunha canle?
Todas as persoas da canle, aínda que non estean no equipo. As respostas de Nubbo AI e de /nubbo só as ves ti, salvo que as publiques na canle.
Gasta créditos de IA?
Nubbo AI usa os créditos do equipo e o teu permiso de IA. Os comandos /nubbo non usan IA nin créditos.
Por que non podo conectar a miña conta?
A túa conta de Slack ten que usar o mesmo correo ca túa conta de Nubbo. Se non coinciden, Nubbo non a conecta.
Fontes
Pasos comprobados con estas páxinas.